Каде и да живее Македонецот, со себе ги носи својата православна вера, љубовта кон Македонската православна црква – Охридска архиепископија и неизгасливата приврзаност кон својата татковина. Така беше и оваа година, кога низ сите црковни општини на Австралиско-сиднејската епархија достоинствено и молитвено беше одбележан големиот црковно-национален празник – Илинден.
Во сите храмови беа отслужени Свети литургии, на кои беше прочитано Илинденското послание на Неговото Блаженство, Архиепископот Охридски и Македонски г.г. Стефан. Во својата порака тој истакна дека трите Илиндени – 1903, 1944 и 1991 година – се сведоштво за историскиот континуитет на Македонија и за стремежот на македонскиот народ кон слобода и државност. Притоа потсети дека „слободата не е трајно стекнато право, туку вредност што мора постојано да се брани и зачува“, повикувајќи го народот да се врати кон верата, правдата, честа и достоинството.
По светите богослужби, во сите црковни општини беа организирани пригодни духовни, културни и забавни програми, на кои бројни верници, деца и гости заеднички го прославија големиот празник. Со свечените академии, културно-уметничките настапи, народните веселби и братските трпези уште еднаш беше потврдено дека македонските православни цркви во Австралија се живи чувари на православната вера, македонскиот идентитет, јазикот, културата и илинденскиот завет.
Нека е за многу години празникот Илинден!
Бог да ја благослови Македонија и македонскиот народ, каде и да живее!
///
Wherever Macedonians may live, they carry with them their Orthodox faith, their love for the Macedonian Orthodox Church – Ohrid Archbishopric, and an unwavering devotion to their homeland. This was once again witnessed this year, as the great ecclesiastical and national feast of Ilinden was solemnly and prayerfully celebrated throughout all church communities of the Australia–Sydney Diocese.
In every parish church, the Divine Liturgy was celebrated, during which the Ilinden Message of His Beatitude, Archbishop of Ohrid and Macedonia, H.B. Stefan, was read. In his message, His Beatitude emphasized that the three Ilindens—1903, 1944, and 1991—bear witness to the historical continuity of Macedonia and to the Macedonian people’s enduring aspiration for freedom and statehood. He reminded the faithful that “freedom is not a permanently acquired right, but a value that must constantly be defended and preserved,” calling upon the people to return to faith, justice, honour, and dignity.
Following the Divine Liturgies, all church communities organized appropriate spiritual, cultural, and social celebrations, bringing together numerous faithful, children, and guests in a joyful observance of this great feast. Through festive academies, cultural performances, community gatherings, and traditional celebrations, it was once again affirmed that the Macedonian Orthodox churches in Australia remain living guardians of the Orthodox faith, the Macedonian identity, language, culture, and the sacred legacy of Ilinden.
Many happy returns of the Feast of Ilinden!
May God bless Macedonia and the Macedonian people, wherever they may live.
