СВЕЧЕНО ОДБЕЛЕЖАНИ 30 ГОДИНИ ОД ИЗГРАДБАТА НА ХРАМОТ „СВЕТИ НИКОЛА“ ВО ПЕРТ
Во молитвена и свечена атмосфера, во Македонската православна црковна општина „Свети Никола“ во Перт беше одбележан значаен јубилеј – 30 години од изградбата на новиот храм „Свети Никола“, продолжувајќи ја духовната и црковната традиција на заедницата, чии почетоци се поврзани со првобитниот храм изграден во 1969 година.
Јубилејното одбележување се совпадна со прославувањето на големиот Богородичен празник Успение на Пресвета Богородица – Голема Богородица, кој според православниот календар беше прославен на 28 август.
По повод празникот и значајниот јубилеј беше отслужена Света Божествена Литургија, на која верниот народ молитвено се собра за да Му вознесе благодарност на Бога за сите благослови дарувани на оваа црковна заедница низ изминатите децении.
По богослужбата, свеченоста продолжи во Македонскиот центар во Норт Перт, каде што беа доделени благодарници и признанија на бројни доброволци, помагатели и заслужни членови, кои со својата љубов, труд и пожртвуваност придонесувале за животот и напредокот на храмот и македонската православна заедница.
Особено признание за долгогодишна и истакната служба му беше доделено на старешината на храмот, протојереј-ставрофор Станко Јовановски, како благодарност и признание за неговото повеќе од три децении посветено свештеничко и пастирско служење.
Овој јубилеј не претставува само сеќавање на изградбата на еден храм, туку и сведоштво за три децении вера, молитва, заедништво и љубов кон Македонската православна црква – Охридска архиепископија, како и благодарност кон сите свештенослужители, ктитори, доброволци и верници кои низ годините се вградувале во животот на оваа црковна заедница.
Нека Свети Никола и Пресвета Богородица и понатаму бидат молитвени застапници и закрилници на свештенството и верниот народ, а Господ да дарува уште многу благословени години на духовен раст и заедништво.
Информативната служба при АСЕ на сите добитници им честита и им посакува уште долги години да придонесуваат за доброто на македонската заедница во Перт и Западна Австралија.
На многу и благословени години!
///
30 YEARS SINCE THE CONSTRUCTION OF THE “SAINT NICHOLAS” CHURCH IN PERTH CELEBRATED WITH GREAT SOLEMNITY
In a prayerful and festive atmosphere, the Macedonian Orthodox Church Community “Saint Nicholas” in Perth marked a significant jubilee – 30 years since the construction of the new “Saint Nicholas” church, continuing the spiritual and ecclesiastical tradition of the community, whose beginnings are connected with the original church built in 1969.
The jubilee celebration coincided with the observance of the great feast of the Mother of God, the Dormition of the Most Holy Mother of God – Great Bogorodica, which, according to the Orthodox calendar, was celebrated on 28 August.
On the occasion of the feast and the significant jubilee, a Divine Holy Liturgy was served, during which the faithful gathered in prayer to offer thanksgiving to God for all the blessings bestowed upon this church community throughout the past decades.
Following the service, the celebration continued at the Macedonian Centre in North Perth, where certificates of appreciation and recognitions were presented to numerous volunteers, supporters and distinguished members who, through their love, hard work and dedication, have contributed to the life and progress of the church and the Macedonian Orthodox community.
Special recognition for many years of distinguished service was presented to the parish priest, Very Reverend Stavrophor Stanko Jovanovski, as an expression of gratitude and appreciation for his more than three decades of dedicated priestly and pastoral service.
This jubilee represents not only a remembrance of the construction of a church, but also a testimony to three decades of faith, prayer, fellowship and love for the Macedonian Orthodox Church – Archdiocese of Ohrid, as well as an expression of gratitude to all clergy, founders, volunteers and faithful members who, throughout the years, have helped build the life of this church community.
May Saint Nicholas and the Most Holy Mother of God continue to be intercessors and protectors of the clergy and the faithful, and may the Lord grant many more blessed years of spiritual growth and fellowship.
The Information Service of ASE congratulates all the recipients and wishes them many more years of contributing to the wellbeing of the Macedonian community in Perth and Western Australia.
Many more blessed years!
