СО БОЖЕСТВЕНА ЛИТУРГИЈА ОДБЕЛЕЖАН ХРАМОВИОТ ПРАЗНИК „СВ. НАУМ ОХРИДСКИ“ ВО АДЕЛАИД
На ден 03. 07. 2026 година со молитвена радост и духовна свеченост, македонските православни верници во Аделаид (Јужна Австралија) го одбележаа храмовиот празник на црквата посветена на Св. Наум Охридски Чудотворец.
Во присуство на бројни верници беше отслужена света Божествена Литургија, на која чиноначалствуваа отецот Гаврил (Галев) и месниот свештеник о. Валентин Стоица.
Во својата проповед, отецот Гаврил ја истакна големината на светителот Наум Охридски, неговата просветителска и мисионерска дејност, како и неговото непрестајно духовно присуство меѓу верниот народ преку молитвите и застапништвото пред Бога.
Верниците со побожност пристапија кон Светата Причест, благодарејќи Му на Бога за дарот на заедничката молитва и за можноста повторно да се соберат во својот храм, обединети во верата, љубовта и надежта.
По завршувањето на светата Литургија беше организирана свечена трпеза на љубовта, на која присутните имаа можност во братска атмосфера да го продолжат празничното заедништво. Во духот на македонската традиција и православното гостопримство, празничната трпеза беше уште една потврда дека храмот не е само место за богослужба, туку и дом во кој се гради и зацврстува заедницата.
Прославата на храмовиот празник уште еднаш ја потврди живата вера и посветеноста на македонската православна заедница во Аделаид, која со љубов го чува духовното наследство на своите светители, јазикот, традицијата и црковното единство.
Нека молитвите на Св. Наум Охридски Чудотворец бидат закрила и благослов за сите верници, за нивните семејства и за целата Македонска Православна Црква – Охридска Архиепископија.
////
THE FEAST DAY OF ST. NAUM OF OHRID CELEBRATED WITH THE DIVINE LITURGY IN ADELAIDE
On 3 July 2026, with prayerful joy and spiritual solemnity, the Macedonian Orthodox faithful in Adelaide, South Australia, celebrated the patronal feast of the Church dedicated to St. Naum of Ohrid the Wonderworker.
In the presence of a large number of faithful, the Divine Liturgy was celebrated by Fr. Gavril (Galev) together with the local parish priest, Fr. Valentin Stoica.
In his sermon, Fr. Gavril emphasized the greatness of St. Naum of Ohrid, highlighting his enlightening and missionary work, as well as his continual spiritual presence among the faithful through his prayers and intercessions before God.
The faithful approached Holy Communion with reverence, giving thanks to God for the gift of communal prayer and for the opportunity to gather once again in their church, united in faith, love, and hope.
Following the Divine Liturgy, a festive agape meal was organized, providing the faithful with an opportunity to continue the celebration in an atmosphere of Christian fellowship. In the spirit of the Macedonian tradition and Orthodox hospitality, the festive meal once again affirmed that the church is not only a place of worship, but also a home where the community is nurtured, strengthened, and united.
The celebration of the patronal feast once again confirmed the living faith and dedication of the Macedonian Orthodox community in Adelaide, which continues to preserve with love the spiritual heritage of its saints, its language, traditions, and ecclesiastical unity.
May the prayers of St. Naum of Ohrid the Wonderworker be a source of protection and blessing for all the faithful, for their families, and for the entire Macedonian Orthodox Church – Ohrid Archbishopric.
