ПРЕДАВАЊЕ ПО ПОВОД ПРАЗНИКОТ ПЕДЕСЕТНИЦА
На ден 1 јуни 2026 година, во организација на Македонската православна младина во Нов Јужен Велс, се одржа духовна средба посветена на големиот христијански празник Педесетница – Денот на слегувањето на Светиот Дух врз светите апостоли.
Пред присутните се обрати отец Герасим, кој зборуваше за значењето на Педесетница како роденден на Христовата Црква и за дејството на Светиот Дух во животот на верните. Посебен акцент беше ставен на настанот од книгата Дела Апостолски, кога апостолите, исполнети со Светиот Дух, започнале да го проповедаат Евангелието на сите народи.
Во текот на предавањето беше направена паралела помеѓу Вавилонската кула и Педесетница – разделбата на човештвото поради гордоста и повторното обединување на луѓето преку благодатта на Светиот Дух и проповедта на Христовата вистина.
Средбата се одвиваше во исклучително пријатна и духовно исполнета атмосфера, а присутните имаа можност да поставуваат прашања и да продлабочат дел од темите поврзани со празникот.
Упатуваме искрена благодарност до отец Герасим за неговото поучно и инспиративно излагање, како и до сите млади кои со своето присуство придонесоа за успешната реализација на оваа духовна вечер.
„И сите се исполнија со Свет Дух“ (Дела 2,4).
////
LECTURE ON THE FEAST OF PENTECOST
On 1 June 2026, organised by the Macedonian Orthodox Youth of New South Wales, a spiritual gathering was held dedicated to the great Christian feast of Pentecost – the Descent of the Holy Spirit upon the Holy Apostles.
Father Gerasimos addressed those in attendance, speaking about the significance of Pentecost as the birthday of Christ’s Church and about the work of the Holy Spirit in the lives of the faithful. Particular emphasis was placed on the event recorded in the Book of Acts, when the Apostles, filled with the Holy Spirit, began preaching the Gospel to all nations.
During the lecture, a parallel was drawn between the Tower of Babel and Pentecost – the division of humanity through pride and its reunification through the grace of the Holy Spirit and the proclamation of Christ’s Truth.
The gathering took place in a warm, welcoming and spiritually uplifting atmosphere, and those present had the opportunity to ask questions and further explore themes related to the feast.
We extend our sincere gratitude to Father Gerasimos for his instructive and inspiring presentation, as well as to all the young people whose presence contributed to the successful organisation of this spiritual evening.
“And they were all filled with the Holy Spirit” (Acts 2:4).
