ВТОРА НЕДЕЛА ОД ВЕЛИКИОТ ПОСТ ВО МАНАСТИРОТ „СВЕТИ КЛИМЕНТ ОХРИДСКИ“ ВО КИНГ ЛЕЈК
На 08. 03. 2026 година, во Втората недела од Великиот пост – посветена на свети Григориј Палама, Солунскиот чудотворец, кога се празнува споменот на светиот свештеномаченик Поликарп, епископ Смирненски и на преподобниот Дамјан, во манастирот „Свети Климент“ во Кинг Лејк, игуменот на манастирот, о. Гаврил (Галев) отслужи Света божествена Литургија.
На Василиевата Литургијата, учество зеде мноштво верен народ, кој му се заблагодари на Бога и се причести со Светите Христовите Тајни.
На Литургијата се читаше Светото Евангелие од Марко 2:1–12, кое ни го пренесува настанот кога Господ Исус Христос проповедал во Капернаум и многу народ се собрал околу Него, така што немало место ниту да се пристапи. Тогаш четворица луѓе, исполнети со вера и љубов кон својот болен пријател, го донеле за да го положат пред Христос. Бидејќи не можеле да влезат поради народот, тие го откриле покривот на куќата и преку него го спуштиле болниот пред нозете на Господа. Кога Христос ја видел нивната вера, најпрво му ги простил гревовите, а потоа го исцелил и од телесната болест, покажувајќи дека Тој е вистинскиот Бог кој има власт да простува гревови.
Во својата беседа, отец Гаврил нагласи дека ова Евангелие нè учи на силата на верата, љубовта и молитвата за нашите ближни. Како што овие луѓе направиле подвиг за да го донесат својот пријател до Христос, така и ние сме повикани со искрена молитва и љубов да ги принесуваме пред Бога нашите ближни – оние кои страдаат, кои се болни или кои се оддалечиле од вистинскиот пат. Ако со чиста вера и упорност го „отвориме покривот“ на нашето срце, Господ ќе ги слушне нашите молитви.
Беше истакнато дека често нашите молитви не се исполнуваат затоа што бараме од Бога, но не сме подготвени вистински да се промениме. Господ нè повикува на подвиг – на покајание, на борба со страстите и на искрено предавање на Неговата волја.
Минатата недела ја празнувавме Неделата на Православието, кога Црквата ја прославува победата на вистинската вера над ересите и заблудите. Тоа е победа на православното учење, на вистинската вера која Црквата ја сочувала низ вековите.
Но денешната, втора недела од Великиот пост, е посветена на свети Григориј Палама, и таа ни покажува нешто уште подлабоко – победата на православниот духовен живот, победата на вистинското живеење на верата.
Во оваа втора недела од Великиот пост се слави и свети Григориј Палама, голем бранител на православната вера и учењето дека човекот може да учествува во Божјата благодат. Тој сведочеше дека Бог не е далечен од човекот, туку преку благодатта на Светиот Дух ни се дарува и нè повикува во заедница со Него. Преку молитвата – особено Исусовата молитва: „Господи Исусе Христе, Сине Божји, помилуј ме грешниот“ – постот, добрите дела и смирението, човекот постепено го очистува своето срце од страстите и се приближува кон Бога.
Светите отци нè учат дека најголемата борба е борбата со страстите – со неумереноста, среброљубието и особено со гордоста, која е корен на многу други гревови. Затоа Великиот пост е време кога сме повикани да го очистиме срцето, да ја обновиме благодатта што сме ја примиле на Светото Крштение и повторно да се вратиме кон полнотата на животот со Бога.
Нека Господ Исус Христос, по молитвите на свети Григориј Палама, ни даде сила и трпение во подвигот на постот, за да ги очистиме нашите срца, да ја зацврстиме нашата вера и да се приближиме кон Него со смирение, љубов и благодарност.
////
THE SECOND SUNDAY OF GREAT LENT AT THE MONASTERY OF ST. CLEMENT OF OHRID IN KINGLAKE
On 8 March 2026, on the Second Sunday of Great Lent, dedicated to St. Gregory Palamas, the Wonderworker of Thessaloniki, when the Church also commemorates the Holy Hieromartyr Polycarp, Bishop of Smyrna, and the Venerable Damian, the Divine Liturgy was celebrated at the Monastery of St. Clement in Kinglake by the abbot of the monastery, Fr. Gavril (Galev).
At the Liturgy of St. Basil the Great, a large number of faithful participated, giving thanks to God and receiving Holy Communion of the Holy Mysteries of Christ.
During the Liturgy, the Holy Gospel from Mark 2:1–12 was read, which recounts the event when the Lord Jesus Christ was preaching in Capernaum, and many people had gathered around Him so that there was no room even to approach Him. Then four men, filled with faith and love for their sick friend, brought him to lay him before Christ. Since they could not enter because of the crowd, they uncovered the roof of the house and lowered the sick man down before the feet of the Lord. When Christ saw their faith, He first forgave his sins and then healed him of his physical illness, showing that He is the true God who has authority to forgive sins.
In his sermon, Father Gavril emphasized that this Gospel teaches us about the power of faith, love, and prayer for our neighbors. Just as those men made a great effort to bring their friend to Christ, we too are called to offer our neighbors before God with sincere prayer and love — those who suffer, who are ill, or who have strayed from the true path. If, with pure faith and perseverance, we “open the roof” of our hearts, the Lord will hear our prayers.
It was also emphasized that often our prayers are not fulfilled because we ask from God but are not truly ready to change ourselves. The Lord calls us to spiritual struggle — to repentance, to the fight against passions, and to sincerely surrender ourselves to His will.
Last week we celebrated the Sunday of Orthodoxy, when the Church commemorates the victory of the true faith over heresies and false teachings. It is the victory of Orthodox doctrine, the true faith that the Church has preserved throughout the centuries.
But today, the second Sunday of Great Lent, dedicated to St. Gregory Palamas, shows us something even deeper — the victory of Orthodox spiritual life, the victory of truly living the faith.
On this Sunday the Church honors St. Gregory Palamas, a great defender of the Orthodox faith and of the teaching that human beings can partake in the grace of God. He testified that God is not distant from humanity, but through the grace of the Holy Spirit He gives Himself to us and calls us into communion with Him. Through prayer — especially the Jesus Prayer: “Lord Jesus Christ, Son of God, have mercy on me, a sinner” — together with fasting, good deeds, and humility, a person gradually purifies the heart from passions and draws closer to God.
The Holy Fathers teach that the greatest struggle is the struggle against the passions — against excess, the love of money, and especially pride, which is the root of many other sins. Therefore, Great Lent is a time when we are called to purify our hearts, renew the grace we received in Holy Baptism, and return once again to the fullness of life with God.
May the Lord Jesus Christ, through the prayers of St. Gregory Palamas, grant us strength and patience in the spiritual struggle of the fast, so that we may purify our hearts, strengthen our faith, and draw closer to Him with humility, love, and gratitude.
