ВЕЛИГДЕНСКА РАДОСТ СПОДЕЛЕНА СО ВЕРНИЦИТЕ ВО СТАРЕЧКИТЕ ДОМОВИ ВО ВОЛОНГОНГ, НОВ ЈУЖЕН ВЕЛС
Во радоста на светлото Христово Воскресение, на вториот ден од празникот Велигден (понеделник 13. 04. 2026) , Македонската православна црковна општина „Св. Димитрија Солунски“ од Волонгонг повторно го упати најрадосниот поздрав на нашата света православна вера: Христос Воскресе! – Навистина Воскресе! – овој пат со највозрасните членови во старечките домови.
Со молитвена желба благодатта и светлината на Воскреснатиот Господ Исус Христос постојано да ги исполнуваат срцата и домовите на верниот народ со мир, љубов и духовна радост, беше одбележан овој велик ден и надвор од храмовите – меѓу оние кои поради возраст или здравствени причини не беа во можност лично да присуствуваат на богослужбите.
Во таа насока, парохискиот свештеник, протоереј Борислав Лазов, заедно со претседателот на црковната општина, г-дин Пецо Ложенковски, остварија посета на повеќе старечки домови во регионот на Волонгонг, меѓу кои и во Унандера и Конистон.
При посетите, тие ги поздравија присутните со велигденскиот поздрав, им го честитаа празникот Воскресение Христово и ја споделија радоста на празникот преку дарување велигденски јајца и пригодни подароци. Ова дело на љубов и внимание претставува живо сведоштво за христијанската грижа кон секој човек, особено кон повозрасните и немоќните, потсетувајќи дека радоста на Воскресението Христово е повик кон заедништво, милосрдие и духовна солидарност.
Нека силата на Христовото Воскресение нè укрепува сите во верата, надежта и љубовта, и нека нè поттикнува на добри дела, во служба на ближните и на Бога.
////
EASTER JOY SHARED WITH THE FAITHFUL IN NURSING HOMES IN WOLLONGONG, NEW SOUTH WALES
In the joy of the radiant Resurrection of Christ, on the second day of the Feast of Pascha, the Macedonian Orthodox Church Community “St. Dimitrija of Thessaloniki” in Wollongong once again extended the most joyful greeting of our Holy Orthodox faith:
Christ is Risen! – Truly He is Risen!
— this time shared with the eldest members of our community in nursing homes.
With prayerful wishes that the grace and light of the Risen Lord Jesus Christ continually fill the hearts and homes of the faithful with peace, love, and spiritual joy, this great day was marked not only within the holy temple, but also among those who, due to age or health conditions, were unable to attend the liturgical services in person.
In this spirit, the parish priest, The Very Reverend Borislav Lazov, together with the president of the church community, Mr. Peco Lozenkovski, visited several nursing homes in the Wollongong area, including those in Unanderra and Coniston.
During these visits, they greeted the residents with the Paschal greeting, extended festive wishes for the Resurrection of Christ, and shared the joy of the feast by distributing Easter eggs and appropriate gifts.
This act of love and care stands as a living testimony to Christian compassion toward every person, especially the elderly and the infirm, reminding us that the joy of Christ’s Resurrection is a call to unity, mercy, and spiritual solidarity.
May the power of the Resurrection of Christ strengthen us all in faith, hope, and love, and inspire us to good works, in service to our neighbour and to God.
