ПРЕТСТАВНИЦИ НА АВСТРАЛИСКО-СИДНЕЈСКАТА ЕПАРХИЈА ПРИСУСТВУВАА НА ОДБЕЛЕЖУВАЊЕТО НА ДЕНОТ НА НЕЗАВИСНОСТА ВО КАНБЕРА 
Претставници на Македонската православна црква – Охридска архиепископија, Австралиско-сиднејска епархија, присуствуваа на свеченото одбележување на 8 Септември – Денот на независноста на Македонија, што се одржа во македонската Амбасада во Канбера.
Свеченоста беше можност македонската заедница во Австралија заеднички да го одбележи овој значаен национален празник, како и да му посака добредојде на новоименуваниот амбасадор, Неговата Екселенција г. Стојанче Китаноски.
Во своето обраќање, амбасадорот Китаноски ја истакна поврзаноста на Македонците во Австралија со татковината, изразувајќи благодарност за топлото добредојде и за придонесот што македонската заедница го дава во австралиското општество. Тој нагласи дека, иако далеку од родната земја, Македонците остануваат обединети преку љубовта кон својата татковина. Притоа, упати особено значајна порака до присутните, истакнувајќи дека Македонците во Австралија, преку своите дела, успеси и достоинственото претставување на македонскиот народ, се вистинските амбасадори на Македонија во австралиското општество.
По повод 8 Септември, Австралиско-сиднејската епархија упатува искрени честитки до сите Македонци во татковината и ширум светот, со желби за мир, единство, благосостојба и напредок на македонскиот народ.
Воедно, на амбасадорот Китаноски му го честитаме стапувањето на дипломатската должност и му посакуваме успешно и плодотворно извршување на неговата одговорна мисија, како и продлабочување на врските со македонската заедница во Австралија.
Австралиско-сиднејската епархија останува отворена за соработка со Амбасадата и со сите македонски организации и институции во Австралија, во насока на зачувување на православната вера, македонскиот национален идентитет, јазик, култура и традиција.
Нека ни е честит и вековит 8 Септември – Денот на независноста на Македонија!
///
REPRESENTATIVES OF THE AUSTRALIAN-SYDNEY DIOCESE ATTENDED THE INDEPENDENCE DAY COMMEMORATION IN CANBERRA
Representatives of the Macedonian Orthodox Church – Ohrid Archbishopric, Australian-Sydney Diocese, attended the solemn commemoration of 8 September – the Independence Day of Macedonia, held at the Macedonian Embassy in Canberra.
The ceremony provided an opportunity for the Macedonian community in Australia to come together in celebration of this important national holiday and to welcome the newly appointed Ambassador, His Excellency Mr Stojanče Kitanoski.
In his address, Ambassador Kitanoski highlighted the strong ties between Macedonians in Australia and their homeland, expressing his gratitude for the warm welcome and for the contribution made by the Macedonian community to Australian society. He emphasised that, although far from their homeland, Macedonians remain united through their love for Macedonia. He also conveyed a particularly meaningful message to those present, stating that Macedonians in Australia, through their work, achievements and dignified representation of the Macedonian people, are the true ambassadors of Macedonia in Australian society.
On the occasion of 8 September, the Australian-Sydney Diocese extends its sincere congratulations to all Macedonians in the homeland and throughout the world, with wishes for peace, unity, prosperity and continued progress for the Macedonian people.
We also congratulate Ambassador Kitanoski on assuming his diplomatic duties and wish him every success in fulfilling his important and responsible mission, as well as in further strengthening ties with the Macedonian community in Australia.
The Australian-Sydney Diocese remains open to cooperation with the Embassy and with all Macedonian organisations and institutions in Australia, with the aim of preserving the Orthodox faith, Macedonian national identity, language, culture and traditions.
Happy and everlasting 8 September – the Independence Day of Macedonia!
Screenshot
