„ВИСТИНСКА СЛОБОДА“ – ЈУБИЛЕЕН МЛАДИНСКИ СЕМИНАР НА МОЈА ВО МЕЛБУРН
Вчера, 14 ноември 2026 година, во храмот „Св. Георгиј и Пресвета Богородица“ во Епинг, Мелбурн, во организација на Македонската православна младина на Австралија (МОЈА), се одржа јубилејниот 20. годишен младински семинар на тема „Вистинска слобода – практичен водич за надминување на искушенијата“. На семинарот учествуваа околу сто деца и млади, меѓу кои и членови на младински групи од сестринските православни цркви.
Собирот започна со Света Божествена Литургија, која во најголем дел се служеше на англиски јазик. Младите учествуваа во заедничката молитва и се причестија со Светите Христови Тајни. Во воведниот дел од семинарот, претседателот на МОЈА, Мартин Масалковски, ги поздрави присутните. Во воведното обраќање беше нагласено колку им значи на младите да имаат пријатели со кои ја споделуваат верата и на чија поддршка можат да се потпрат во миговите на искушение.
За темата говореа тројца предавачи. Чтецот Закари Армстронг објасни што е искушението и од каде произлегува, потсетувајќи дека самото искушение не е грев. Oтец Гаврил Галев, духовен отец на младинската организација, говореше за тоа како човекот постепено му подлегнува на искушението и како навременото препознавање на тој процес може да му помогне да го избегне падот. Oтец Климент Станковски се осврна на практичните начини за справување со искушенијата и на значењето на покајанието и Светата тајна Исповед кога човек ќе падне.
Предавањата беа проследени со работилници во мали групи. Младите разгледуваа конкретни ситуации и разговараа како би постапиле кога ќе се најдат пред искушение. Имаа можност да споделат и лични искуства од својот духовен живот. Во забавниот дел се одржа квиз, на кој победи Џошуа, кому како награда му беше врачен молитвеник.
Младите од МОЈА се погрижија за добрата организација на целиот собир, од пречекот и работилниците до заедничкиот ручек со прекрасна храна. Во топла и срдечна атмосфера, учесниците од различни парохии и младински групи се запознаваа, разговараа и стекнуваа нови пријателства. Токму во тие средби оживеа и една од пораките на семинарот – дека во борбата со искушенијата младите можат да си помагаат едни на други преку молитва, разбирање и искрено пријателство во Христа.
Упатуваме искрена благодарност до Управата на Македонската православна заедница за Мелбурн и Викторија (MOCMV) за гостопримството и поддршката при одржувањето на јубилејниот младински семинар.
///
‘TRUE FREEDOM’ – MOYA’S 20TH ANNUAL YOUTH SEMINAR IN MELBOURNE
Yesterday, 14 November 2026, the Macedonian Orthodox Youth of Australia (MOYA) held its 20th annual youth seminar at the Macedonian Orthodox Church of St George and St Mary Mother of God in Epping, Melbourne. Around 100 children and young people attended the seminar, themed ‘True Freedom – A Practical Guide to Overcoming Temptations’, including members of youth groups from sister Orthodox Churches.
The gathering began with the Divine Liturgy, which was celebrated mostly in English. The young people prayed together and received Holy Communion. MOYA President Martin Masalkovski welcomed those gathered at the start of the seminar. The opening remarks highlighted how much it means for young people to have friends who share their faith and on whom they can rely in times of temptation.
Three speakers explored the theme. Reader Zachary Armstrong explained what temptation is and where it comes from, reminding participants that being tempted is not in itself a sin. Father Gavril Galev, MOYA’s spiritual father, spoke about how a person gradually gives in to temptation and how recognising that process early can help them avoid falling. Father Kliment Stankovski offered practical guidance on overcoming temptations and spoke about the importance of repentance and the Sacrament of Confession when we fall.
The talks were followed by small-group workshops. Participants considered real-life scenarios and discussed how they might respond when faced with temptation. They also had the opportunity to share experiences from their own spiritual lives. The programme included a quiz, which was won by Joshua, who received a prayer book as his prize.
MOYA’s young members organised the day with care, from welcoming participants and running the workshops to serving a delicious lunch. In a warm and welcoming atmosphere, young people from different parishes and youth groups got to know one another, shared conversations and formed new friendships. Those encounters brought one of the seminar’s messages to life – that young people can support one another in the struggle against temptation through prayer, understanding and genuine friendship in Christ.
We extend our sincere thanks to the Committee of the Macedonian Orthodox Community of Melbourne and Victoria (MOCMV) for its hospitality and support in making this milestone seminar possible.











































